(clicca per ingrandire)

Larentu Pusceddu, scrittore e poeta. Come cantautore ha pubblicato un LP intitolato Dae s'umbra de s'istoria (Dall'ombra della storia).. 

Copertina: Francesco Del Casino

Su romanzu

Semus in su comintzu de su 1900 in Oreos, una bidda-universu in mesu de sa Sardigna. Unu sero de atonzu a Lussurza, zovanedda de prima essida, li naran chi luego l'an a cojuare. De pacu importu est si issa istimat unu zòvanu chi no est su chi l'at dimandada. Una leze tocat a imparare deretu: "noi fèminas non podimus seperare, semus seperadas". S'isposu, Pascale, est un òmine grabosiu e sapiu, ma a Lussurza est su connadu, Antiocu, chi l'agradat: E est cun issu chi iscoperit ite cheret narrer a si godire su corpus sou de fèmina, cando a Pascale si che lu picat una pesta. In sa gherra, Antiocu aiat intensu faeddande de sotzialismu e de cooperativas e in Oreos chircat de aunire sos massajos e sos pastores contra a sos meres. Ma sos tempos non sun sos zustos: sos meres sun tropu fortes e tropu podere an sos santos chi an in corte. Bintu e torradu a sa gana, Antiocu picat su caminu de su disterru e in Pànama connoschet su mortale arvore de sos tzinesos. Totu a inghiriu de custa istòria sos zestos, sos sinnos, sos rituales de una tzivilidade, sa sarda, meda a s'ispissu binta e però mai posta a juu. E galu sos contos de fochile, sas istòrias de sos bivos e de sos morros, de bandidos e de zustìssia, de sos poveritos chi si bortan contra a s'oppressione de sos ricos printzipales in duna natzione in ue s'istadu est, chè a semper, destidu de carabinieri e de gabellieri. S'àrvore de sos tzinesos est su primu romanzu in limba sarda de sa literadura cuntemporànea. E ca est poeta, Larentu Pusceddu, non podiat si non ponner in poesia sos pensamentos, s'amore, sas memòrias tristas e sos atitos: una manera noa de su totu de iscrier, de tingher su papiru e non petzi, chè a sa moda de sos mannos nostros, sas mentes e sos amentos.